അദ്ദിക്ർ

സക്കീനത്ത് എന്നതിന് ശാന്തി എന്നാണ് അര്‍ത്ഥം. യഥാര്‍ത്ഥത്തില്‍ ദുഃഖവും ഭ യവും വിമ്മിഷ്ടവും വേദനയും ഒന്നുമില്ലാത്ത, എല്ലാം മറന്ന സ്വര്‍ഗ്ഗീയമായ ഒരു അവസ്ഥയാണ് അതുകൊണ്ടുദ്ദേശിക്കുന്നത്. 41: 30-32 ല്‍, നിശ്ചയം ഞങ്ങളുടെ നാഥന്‍ അല്ലാ ഹുവാണെന്ന് പ്രഖ്യാപിക്കുകയും പിന്നീട് ആ പ്രഖ്യാപനത്തില്‍ ഉറച്ച് നിലകൊള്ളുക യും ചെയ്യുന്നവരുടെമേല്‍ നിങ്ങള്‍ക്ക് ഭയപ്പെടാനോ ദുഃഖിക്കാനോ ഇടവരികയില്ല, നി ങ്ങളോട് വാഗ്ദത്തം ചെയ്യപ്പെട്ട സ്വര്‍ഗ്ഗം കൊണ്ട് സന്തോഷിച്ചു കൊള്ളുക എന്ന് പറഞ്ഞുകൊണ്ട് മലക്കുകള്‍ ഇറങ്ങുന്നതാണ്, ഞങ്ങളാണ് ഇഹത്തിലും പരത്തിലും നിങ്ങളുടെ സംരക്ഷകന്‍മാര്‍, നിങ്ങള്‍ക്ക് ആ സ്വര്‍ഗ്ഗത്തില്‍ നിങ്ങളുടെ ആത്മാവ് ആഗ്രഹിക്കുന്നതെന്തുമുണ്ട്, നിങ്ങള്‍ തേടുന്നതെന്തുമുണ്ട്-ഏറെപ്പൊറുക്കുന്ന കാരുണ്യവാനില്‍ നി ന്നുള്ള വിരുന്നായിക്കൊണ്ട് എന്ന് പറഞ്ഞിട്ടുണ്ട്. 48: 4 ല്‍ വിശ്വാസത്തിനുമേല്‍ വിശ്വാ സം വര്‍ദ്ധിക്കുന്നതിനുവേണ്ടി അവന്‍ തന്നെയാണ് വിശ്വാസികളുടെ ഹൃദയത്തില്‍ ശാ ന്തി ഇറക്കിയത്, ആകാശഭൂമികളിലെ പട്ടാളങ്ങളെല്ലാം അവനുള്ളതാണ്, അവന്‍ എല്ലാം അറിയുന്ന യുക്തിജ്ഞനുമാകുന്നു എന്നും; 48: 18 ല്‍, (ഹുദൈബിയായില്‍) ആ വൃക്ഷത്തിന്‍റെ താഴെവെച്ച് നിന്നോട് പ്രതിജ്ഞ ചെയ്ത വിശ്വാസികളുടെ മേല്‍ നിശ്ചയം അ ല്ലാഹു തൃപ്തിപ്പെട്ടിരിക്കുന്നു, അവരുടെ ഹൃദയങ്ങളിലുള്ളത് അല്ലാഹു അറിഞ്ഞിട്ടുണ്ട്, അപ്പോള്‍ അല്ലാഹു അവരുടെമേല്‍ ശാന്തി ഇറക്കി, അവര്‍ക്ക് അടുത്തുതന്നെയുള്ള വി ജയം-മക്കാവിജയം-സമ്മാനിക്കുകയും ചെയ്തു എന്നും; 48: 26 ല്‍ കാഫിറുകളുടെ ഹൃദയങ്ങളില്‍ 'ജാഹിലിയ്യാ എരിപൊരി സഞ്ചാരം' ഉണ്ടാക്കിയപ്പോള്‍ അല്ലാഹു അവന്‍റെ പ്രവാചകന്‍റെ മേലും വിശ്വാസികളുടെ മേലും ശാന്തി ഇറക്കി, അവരെ തഖ്വ-ഭയഭക്തി-യാകുന്ന വചനം കൊണ്ട് സ്ഥൈര്യപ്പെടുത്തുകയും ചെയ്തു, അവരായിരുന്നു ആ വചനത്തെ സത്യപ്പെടുത്തുന്നവരും അതിന് അര്‍ഹരും, അല്ലാഹു എല്ലാ ഓരോ കാര്യവും അറിയുന്ന സര്‍വ്വജ്ഞനാണ് എന്നും പറഞ്ഞിട്ടുണ്ട്. നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ ഇന്ന് രൂപപ്പെട്ടിരിക്കെ അതിനെ മുറുകെപ്പിടിച്ച് ജീവിക്കുന്നവര്‍ക്ക് മാത്രമാണ് ശാന്തിയും സമാധാനവും ലഭിക്കുക. സൂക്തം 13: 28 അവസാനിക്കുന്നത് "അറിഞ്ഞിരിക്കുക, നാഥന്‍റെ സ്മരണയുണ്ടാക്കുന്ന അദ്ദിക്ര്‍ കൊണ്ട് ഹൃദയങ്ങള്‍ക്ക് ശാന്തിയും സമാധാനവും ലഭിക്കുന്നതാണ്" എന്ന് പറഞ്ഞുകൊണ്ടാണ്. 3: 10-12, 102, 154; 8: 11 വിശദീകരണം നോക്കുക.